In Herdenking aan my Suster

by | Blog, Dedications | 3 comments

Maritza van Niekerk aan: Adré Kleinhans 10.03.1968 – 27.03.1985

Van My Aan Jou

Ek was maar 3 jaar oud en jy pas 17, net 17 dae voor die vreeslike dag. Jou hele lewe wat voorle soos ‘n leë dagboek wat jy elke dag in skryf.

Jy het my lief gehad soos ‘n ma en het alles vir my gedoen. Ek onthou hoe jy my geleer het om borrels in my waslap tydens bad tyd te blaas.

Familie praat van jou met ‘n glimlag op hul mond, maar daai hartseer verlange in hulle oë. Ek het elke dag wat ek ouer word meer en meer na jou begin lyk, en kon sien dit is moeilik vir die familie. Ek sien as ons oor jou praat, die kyk, die kyk van jammerte. Jammerte vir my dat ek jou nie kon ken nie. Maar ek wil he almal moet weet. Moet my nie jammer kry nie, want ek weet jy was ontsaglik lief vir my. Die pure skoon liefde van ‘n suster vir haar baba sussie. Jy het liefde betoon aan almal en het jou beskermende hand oor jou geliefdes gehou.

Daar is geen woorde of dade wat kan reg maak wat gebeur het op daai dag so lank gelede nie. Jy en soveel ander is so onverwags en skielik van ons af weg gevat. Daar is ‘n leemte wat altyd daar sal bly in elkeen wat die geluk gehaat het om jou te kon ken.

In my voel die leemte nog groter en dieper as wat ek kan beskryf, veral omdat ek jou nie geken het nie. Maar ek voel ryker en ek kan glimlag as ek aan jou dink sonder die hartseer oor daai dag 30 jaar gelede omdat ek iets van jou onthou, ‘n foto in my gedagtes waar jy altyd perfek sal wees. Ek was dalk te klein om veel te onthou maar dit wat ek het koester ek altyd. Jou liefde vul my steeds.

Jy was my “Moeder Teresa” en het presies geweet hoe ek my hare wil gewas hê, hoe my oggend ete moet gemaak word of hoe om my gunsteling storie te lees.

Jy was my engel op aarde vir die kort tydjie wat jy my geken het. Ek weet dat elkeen wat die voorreg gehaat het om jou in hulle lewe te hê sal jou nooit vergeet nie, en dus is vandag 30 jaar na jy weg geneem is van ons ‘n tyd om jou te onthou vir wie en wat jy was. ‘n Ware engel op aarde.

“The hardest part of a sudden death is not having the opportunity to say goodbye.”

Totsiens my liewe suster.

 

3 Comments

  1. tinah

    To lose a sister is very sore. very.

    Reply
  2. latetia

    Dit is nog soos dag lig vir want ek het ook nog skool gegaan. Wees sterk en laat julle harte sterk wees. Ons God ken elkeen se hart. Want ek het my Mamma n paar maande gelede verloor. Maar soos ek se ons sal dit nooit vergeet nie maar dit word beter soos die dae aangaan. It is very hard to be strong in a moments of weakness. Mag God stilte in julle harte bring.

    Reply
  3. pierre Van Jaarsveld

    Wow nig baie mooi geskryf

    Reply

Submit a Comment

Your email address will not be published.

This site uses Akismet to reduce spam. Learn how your comment data is processed.

30 jaar herdenking van die Westdene Busramp

Die voorlopige datum vir die 30 jaar herdenking van die Westdene Busramp is 28 Maart 2015 om 09h00. The provisional date for the 30 year commemoration of the Westdene Bus Disaster is 28 March 2015 at 09h00. RSVP: Elize Venter 082 434 2989 ...

Vir die wat agter gelaat is

Vir die wat agter gelaat is

Betsie, ons het nie woorde om te beskryf hoeveel hartseer daai dag gebring het, en die impak wat dit gehad het op ons lewens nie – Pappa, Mamma, Chris, Marinda & Susan. Ek en Chris vind berusting vandag in die feit om te weet dat vandag is jy saam met Mamma, Pappa...

Stillewe

deur Andries Bezuidenhout, ter nagedagtenis, 27 Maart 1985   Stillewe Sluk elke buurt só swaar aan roem wat wrang verteer wanneer fotograwe hul lense elders wend, wanneer joernaliste vingers lek om notaboeke om te blaai, as naasbestaandes rame oopmaak vir plek om...

What happened to William Horne?

What happened to William Horne?

There are many conflicting reports of what happened to William (Willem Philip) Horne after the accident. The most recent information available, although this has not been verified as true, is that an article about him was published in the Sondag newspaper in 2008. The...

As jou siel skeur

As jou siel skeur

deur Trix Tromp, vir Connie van der Westhuizen 29 Jaar gelede op 27 Maart om en by half 3 die middag; was ek 'n 1ste jaar verpleegster by JG Strijdom hospitaal. Ek was net reg om agter die gordyne in te glip om 'n verband te vervang in saal 21. 'N ander student het...

Kranslegging 16 Junie 2013 – Westdene Dam

Kranslegging 16 Junie 2013 – Westdene Dam

As oorlewende van die Westdene Busramp, was dit vir my, op die stadium van my lewe, n groot eer om deur Hennie genader te word om die Stadsraad te assisteer om mense in kennis te stel en reelings te tref vir die dag. Dit was amper n “ietsie” wat mens kon teruggee, n...

Onthou

Onthou

Hierdie gedig is geskryf deur Eurika (de Koker) du Plessis. Eurika is deur haar broer, Theo de Koker, van verdrinking gered. Theo het die Wolraad Woltemade toekenning ontvang as erkenning van sy heldedaad. Onthou Hoe beskryf ek die pyn, wat nooit uit my hart verdwyn,...

Victims of Westdene Dam bus tragedy honoured

Survivors of the 1985 Westdene Dam bus disaster, families of the victims and several dignitaries gathered at the scene of the crash at the weekend to honour the memories of the 42 schoolchildren who died tragically when their school bus plunged into the dam. Read the...

Anel

Anel

Hierdie boodskap vir Anel Jacobs is ingestuur deur Elize Smith: Anel Ons het jou nooit vergeet Dit is nog net soveel leed Waar ons nou jou graf besoek Gaan daar soveel deur ons gemoed Wens so jy was nog in ons midde Maar ons sal mekaar weer ontmoet tussen Jesus se...

Translate »