Tragedie soos dié het talle snykante

by | Media Reports | 0 comments

Beeld

Kinders wou nie daaroor praat; ouers wou sterk wees

Die dood van ‘n kind is een van die grootste verliese wat ‘n ouer kan ly, sê dr. Marietjie Joubert, kliniese sielkundige van Johannesburg. Sy was destyds verbonde aan die Universiteit van Johannesburg (RAU) se departement sielkunde en het só betrokke geraak by die berading vir kinders wat die Westdene-busramp oorleef het en hul ouers. ‘n Vrou verwag dalk dat haar man voor haar sal sterf, maar ouers verwag dat hul kinders hulle sal oorleef. ” ‘n Kind se toekoms lê nog voor hom of haar. Ouers wil hul kinders sien grootword. Die verlies is nóg groter as die kind op ‘n jong ouderdom sterf.”

Die oorlewendes aan wie Joubert berading gegee het, het op simboliese maniere probeer vertel wat hulle deurgemaak het. ” Die kinders het nie graag direk oor die ongeluk gepraat nie, maar dis algemeen by adolessente dat hulle skaam is om oor emosies te praat. “Een groep wou na die universiteit se akwarium by ons laboratoriums gaan kyk. Later kon ons ‘n vergelyking tref tussen die visse agter glas en hulle (die kinders) wat deur glas na die water om hulle moes kyk.”

Joubert sê die ramp het die jong mense gekonfronteer met die dood en hul eie sterflikheid. Haar ondervinding met die ouers en familie was dat hulle sterk wou wees ter wille van mekaar en daarom nie so geredelik hul gevoelens bespreek het nie.

Dr. Annemarie Novello, senior lektor in sielkunde aan die Universiteit van Johannesburg, was destyds ‘n student in maatskaplike werk. Sy het ná die ramp gaan studeer in sielkunde, veral die uitwerking van trauma. Novello het ook destyds gehelp met die berading vir slagoffers en het sewe jaar daarna vir haar proefskrif navorsing gedoen oor die uitwerking van die ramp op oorlewendes.

Sommige van die 19 oorlewendes wat aan die ondersoek deelgeneem het, het gesukkel met oorlewingskuld omdat hulle bly lewe het terwyl skoolmaats dood is. Meer algemeen was dat die oorlewendes verwante vrese ontwikkel het, soos ‘n vrees vir water en om in ‘n bus te ry, wat daardeur vererger is dat hulle ná die ramp weer met openbare vervoer moes reis. Sommige slagoffers het gesukkel om te slaap en heelwat oorlewendes het gesê hulle voel in die algemeen meer blootgestel.

0 Comments

Submit a Comment

Your email address will not be published.

This site uses Akismet to reduce spam. Learn how your comment data is processed.

Chantal Parkin interview with City News, Joburg Today

Today, 33 years ago, 42 children lost their lives after a school bus swerved into the Westdene Dam. Chantal Parkin, one of the Westdene Bus Disaster survivor’s, joins City News in the studio to talk about this day.

Huldeblyk aan die Westdene Busramp

Deur H H Thiart Die eerste kwartaal is reeds verby, nou gaan ons weer ‘n blaaskans kry. Al die kinders is opgewek dis op almal se lippe, in elke gesprek. Volgende week sal die skole sluit, van skoolwerk dan geen duit.   Woensdag, sewe-en-twintig Maart afgemerk op...

Elmien Wood (nee Bellingan) onthou

Boodskap van Elmien Wood (nee Bellingan). Elmien se broer Anton Bellingan het die bus ramp oorleef. 30 jaar voel soos ‘n  druppel in die emmer. Wie sou kon dink dat op daardie Woensdag in 1985 so baie mense se lewens vir altyd verander sou word. "Totsiens sien jou...

Ons sien jou in die aandstons

Ons sien jou in die aandstons

Deur Chantal Steyn (nee Viljoen) aan haar vriendin Adriana Horn Om te dink dit is al so lank gelede En jy is nog steeds in ons gebede Die mooiste glimlag wat daar was Is alles nog in ons geheue vas Vir Chantal was dit haar beste vriendin Om hul te skei was baie min By...

In Herdenking aan my Suster

In Herdenking aan my Suster

Maritza van Niekerk aan: Adré Kleinhans 10.03.1968 – 27.03.1985 Van My Aan Jou Ek was maar 3 jaar oud en jy pas 17, net 17 dae voor die vreeslike dag. Jou hele lewe wat voorle soos 'n leë dagboek wat jy elke dag in skryf. Jy het my lief gehad soos 'n ma en het alles...

Paastyd – Hoërskool Vorentoe

Paastyd – Hoërskool Vorentoe

Boodskap van Lucas C Viljoen, voormalige Hoof, Vorentoe Hoërskool, Apr 1987 tot Des 2004 Welaan Vriende, Op Saterdag 28 Maart word die 30e huldigingsdiens gehou vir die 42 kinders wat in die ramp omgekom het. Ek het eers 2 jaar na die ramp by Vorentoe begin.  Die...

‘n Kosbare Kosmosdag

‘n Kosbare Kosmosdag

Deur Brenda Van Dyk Vorentoe. Hierdie mooi woord met soveel verskillende betekenisse rol soms moeiteloos en maklik, en met mooiste mooi herinneringe oor ons tonge, maar dit hak ook soms soos onwelkome knapsekêrels vas aan ons almal hier teenwoordig se gedagtes....

Translate »